MSENEGALI AWEKA REKODI MPYA LIGI KUU ENGLAND

Mshambuliaji wa Senegal anayekipiga katika klabu ya Southampton Sadio Mane amevunja rekodi ya
kupachika mabao matatu  (Hat trick) katika
muda mfupi zaidi katika Ligi Kuu ya nchini England wakati Southampton ikiibamiza Aston Villa bao 6-1.

Mane alipachika mabao matatu chini ya dakika tatu tu
na kuweka rekodi mpya katika ligi kuu nchini England akifunga hat trick hiyo katika muda wa
dakika mbili na sekunde 56.

Mane ameweza kuvunja Rekodi iliyowekwa na nyota wa zamani wa Liverpool.Robbie Fowler miaka 20 iliyopita. Fowler akiichezea Liverpool alifunga mabao matatu katika muda wa dakika nne na sekunde 33, katika  mchezo dhidi ya Arsenal, Agosti 28 mwaka 1994.