ETOILE vs YANGA SASA KUONEKANA LIVE TANZANIA

Wawakilishi pekee wa michuano ya kimataifa toka Tanzania Yanga SC leo watajitupa uwanjani nchini Tunisia kumenyana na wenyeji wao klabu ya Etoile du Sahel katika michuano ya kombe la Shirikisho barani Afrika ukiwa ni mchezo wa Marudiano baada ya ule wa awali kumalizika kwa sare ya bao 1-1 wiki mbili zilizopita jijini Dar Es Salaam.

Yanga itaingia katika mchezo wa leo ikihitaji ushindi au sare ya mabao zaidi ya moja ili kufuzu katika hatua inayofata ambapo kama itafanikiwa kupita hapa itacheza katika mechi ya mwisho ya mtoano kabla ya kuingia katika hatua ya makundi.

Mchezo huo utakaochezwa katika dimba la Olimpiki mjini Sousse uutaanza majira ya saa 1:00 usiku kwa Saa za Afrika Kaskazini na Saa 3:00 usiku
kwa Saa za Afrika Mashariki hususani Nyumbani Tanzania na kurushwa moja kwa moja na kituo cha luninga cha Azam TV kupitia chaneli ya Azam Two.

WAPENDA SOKA TANZANIA tunawatakia kila la heri Yanga katika mchezo huo kwani ushindi wao ni ushindi wa Watanzania.

MUNGU IBARIKI YANGA
MUNGU IBARIKI TANZANIA