ARSENAL YAZIDI KUNGARA LIGI KUU ENGLAND

Magoli mawili ya mshambuliaji wa Chile anayeichezea Arsenal Alexis Sanchez na moja la Aaron Ramsey yalitosha kuwapaisha Arsenal katika mbio za kuwania nafasi ya 2 katika msimamo wa ligi kuu nchini England.

Wakati Chelsea wameshatawazwa mabingwa shughuli pevu inabaki katika nafasi nne za juu kutafuta nafasi ha kushiriki ligi ya mabingwa barani Ulaya msimu ujao.

Jumapili Manchester City ilishinda na kufikisha pointi 70 katika msimamo ikikamata nafasi ya pili lakini ushindi wa jana wa Arsenal unazidi kuwatia presha Man City kwani hivi sasa wanalingana pointi na Arsenal ila faida kubwa waliyonayo Arsenal ni kuwa na mchezo mmoja kibindoni.

Arsenal ilimiliki vilivyo mchezo wa jana katika uwanja wa KC ambapo vijana wa Wenger walionyesha dhamira ya kumaliza msimu wakiwa katika nafasi ya pili wakati Hull City licha ya kuonyesha juhudi lakini wakashindwa kabisa kujinasua na kipigo hicho ambacho sasa kina waacha wakiwa katika hatari ya kushuka daraja kwani wana pointi 34 katika nafasi ya 17 ikiwa imebaki michezo mitatu.