SIMBA WEUPE TU KWA MBEYA CITY: WAPIGWA NJE NDANI.

Simba SC imezidi kuonyesha uteja kwa Mbeya City baada ya kukubali tena kichapo cha bao 2-0 katika mchezo wa Ligi kuu ya vodacom Tanzania Bara katika uwanja wa Sokoine Jijini Mbeya.

Huu ni mchezo wa Pili Simba wanafungwa na Mbeya City msimu huu na ndiyo timu pekee ambayo Simba haijawahi kuifunga tangu Ipande daraja msimu uliopita.

Magoli ya Mbeya City yaliwekwa kimiani na Paul Nonga na Peter Mwalyanzi na kupunguza kasi ya simba kuwania nafasi japo ya pili.

Simba ambayo ilionekana kuzidiwa maarifa na Mbeya City iliingia katika mchezo wa leo bila ya mshambuliaji wake Emmanuel Okwi mwenye kadi 3 za njano huku golini wakiongozwa na kipa chipukizi Manyika Peter.

Juma Nyoso ndiye aliyekua muhimili mkubwa wa kuhakikisha Washambuliaji wa Simba hawaleti madhara katika lango la Mbeya City
++++++++++++