MAN UNITED HOI DARAJANI KWA CHELSEA

Chelsea imeendelea kudhihirisha umwamba wake kwa kila timu inayotembelea darajani baada ya kuifumua bila huruma Manchester United bao 1-0.

Mchezo huo uliotawaliwa vilivyo na Manchester United uliamuliwa na kosa la mabeki wa United kushindwa kumzuia Oscar ambaye alitoa pasi kwa Hazard ambaye alimpiga tobo kipa wa Man United David De Gea na kuandika bao hilo pekee ambalo lilidumu mpaka mwisho wa mchezo.

Matokeo hayo yanazidi kuipaisha Chelsea katika mbio za Ubingwa baada ya kufikisha pointi 76 katika nafasi ya kwanza ikiwa ni pointi 10 zaidi ya Arsenal wanaokamata nafasi ya pili.

Man United wao wamebakiwa na pointi zao 65 katika nafasi ya tatu huku wakiwa na kibarua kigumu wiki ijayo wakisafir kuwavaa Everton katika uwanja wa Goodson Park.

+++++++++++++++