PORTO YAIADHIBU BILA HURUMA BAYERN MUNICH

Mabingwa wa URENO FC Porto jana usiku walitoa kipigo cha mbwa Mwizi kwa Mabingwa wa Ujerumani klabu ya Bayern Munich kwa kuwafunga bao 3-1.

Ilikua ngumu kwa mtu kutabiri matokeo hayo kwa kuangalia ubora wa Bayern Munich na FC Porto lakini hivyo ndivyo ilivyotokea baada ya dakika 90 kushuhudia FC Porto wakitoka na ushindi huo.

Mchezo huo uliopigwa katika dimba la FC Porto Estadio Dragao ulishuhudia Porto wakitangulia kupata mabao mawili kupitia kwa Ricardo Quaresma ambaye alionekana mwiba mchungu kwa mabeki wa Bayern Munich.

Mpaka mapumziko FC Porto walikua mbele kwa bao 2-1 kufuatia Thiago Alcantara kufunga bao safi kwa upande wa Bayern Munich kabla ya mapumziko lakini Jackson Martinez alikuja kuongeza bao la 3 dakika za mwisho za kipindi cha pili na kufanya mchezo huo kumalizika kwa bao 3-1.

Bayern Munich walionekana kupwaya sana katika safu yao ya Ulinzi hasa Dante kuonekana mara nyingi akikosea na kuruhusu washambuliaji wa Porto kupita kirahisi.