MAN UNITED "YAIPELEKA" REAL MADRID NUSU FAINALI MABINGWA ULAYA.

Na: Edo DC

Mshambuliaji wa Manchester United anayeichezea Real Madrid Kwa mkopo Javier Hernandez Chicharito ameifungia Real Madrid goli muhimu lililowavunja mabingwa hao wa Ulaya kuingia hatua ya Nusu fainali dhidi ya mahasimu wao wakubwa Atletico Madrid.

Chicharito akishangilia bao

Pambano hilo la marudiano la ligi ya mabingwa barani Ulaya lilipigwa katika dimba la Santiago Bernabeu nyumbani kwa Real Madrid lilimalizika kwa ushindi wa bao 1-0.

Chicharito alifunga bao hilo pekee dakika za mwisho za mchezo huo baada ya kazi kubwa iliyofanywa na mchezaji bora wa dunia Hivi sasa Cristiano Ronaldo ambaye aligongeana vizuri na James kabla ya kumtengenezea Chicharito aliyefunga na kuzima kabisa ndoto za Atletico Madrid ambao mechi ya awali walilazimishwa sare ya bila kufungana.

Kabla ya mechi hiyo maelfu ya mashabiki wa Real Madrid walionekana nje ya uwanja wakiwashangilia wachezaji wao walipowasili katika uwanja wa Santiago Bernabeu.

Katika mechi nyingine Juventus ikisafiri mpaka jijini Monaco Ufaransa ililazimisha sare ya bila kufungana na wenyeji Monaco hivyo Juventus kukata nafasi ya kucheza hatua ya nusu fainali ikiwa ni mara ya kwanza kwake tangu mwaka 2003.
Kwa matokeo ya leo timu nne zimefanikiwa kutunga hatua ya Nusu fainali mbili zikitoka Spain.

TIMU ZILIZOTINGA NUSU FAINALI

Real Madrid (Spain)
Barcelona (Spain)
Juventus (Italy)
Bayern Munich (Germany)
+++++++++++++++++++++++++++++