INSIDE UNITED: NYOTA WANNE KUIKOSA CHELSEA KESHO.

Katika INSIDE UNITED leo tunaangalia hali ya kikosi cha Man United kuelekea pambano dhidi ya Chelsea kesho.

Kocha wa United Louis Van Gaal amethibitisha kuwa nyota wanne wataikosa Chelsea kesho kutokana na kuwa majeruhi.

Kiungo Michael Carrick, walinzi Marcos Rojo, Phil Jones na  Daley Blind wote watalikosa pambano hilo litakalopigwa katika dimba la Stamford Bridge nyumbani kwa Chelsea.

Van Gaal ametanabaisha kuwa Carick alipata majeraha kipindi cha pili Jumapili iliyopita wakati Man United ikiibamiza Man City bao 4-2 na alilazimika kutoka kabla ya mechi kuisha na kuilazimu United kucheza pungufu kwani ilishamaliza idadi ya wachezaji wa akiba na mpaka sasa hajapona

Luke Shaw ameanza mazoezi baada ya kuwa nje ya uwanja kwa muda mrefu na pengine ataanza katika mechi ya kesho kuchukua nafasi ya Daley Blind ambaye nae ameongeza idadi ya majeruhi.

Marcos Rojo, Phil Jones na Daley Blind ambao mechi iliyopita walicheza, Kocha Van Gaal amesema waliumia katika mchezo dhidi ya Man City japo walionekana wako vizuri.

Van Gaal pia amesema kuwa mshambuliaji Robin van Persie anaweza kucheza kesho baada ya kuanza mazoezi na kikosi cha kwanza.

++++++++++++++++++++++++++