ALICHOSEMA PHIRI BAADA YA MECHI YA SIMBA DHIDI YA COASTAL UNION.

Jana tulishuhudia timu za Simba na Coastal union zikikabana koo katika mchezo wa ligi kuu Tanzania Bara. Katika mchezo huo uloisha kwa timu hizo kugawana pointi ambapo mpaka  dakika 90 refa Jacob Adongo anapuliza kipenga kuashiria kumalizika kwa mchezo huo timu hizo zilikua zimefungana  bao 2-2.

Baada ya mchezo huo wandishi wetu Allen Kaijage alifanikiwa kufanya mahojiano mafupi na kocha wa Simba Phiri

Mahojiano na Patric Phiri

Mwandishi: Kocha unauzungumziaje mchezo kwa ujumla.

Mwandishi akiwa na kocha wa Simba, ndg Phiri

PHIRI: Mchezo kwetu ulikua mzuri na kiukweli ulikua upande wetu, Ila mipango yetu iliharibika baada ya Haruna Chanongo kuumia.

Mwandishi: Kocha kwa hiyo wewe hauna ‘plan B’ ya mchezo maana kwa kawaida nimeona makocha na timu nyingi duniani kila mchezaji anakuwa na mbadala wake sahihi jambo ambalo kwako hauna

PHIRI: Hapana, Uhuru ndio ‘plan B ‘ yenyewe ingawa alishindwa kufanya aliyokua anafanya Chanongo.

Mwandishi: Kocha inaonekana safu yako ya beki imekosa mtu kama Mussoti huoni kuachwa kwa Mussoti ni tatizo kwa Simba.

PHIRI: Mussoti ni mchezaji mzuri ila wapo wengi wazuri ambao wanaweza kucheza nafasi aliyokua akicheza vizuri sana.

Mwandishi: Kocha unaongeleaje mechi ijayo dhidi ya polisi

Polisi: Polisi ni timu nzuri tutajitahidi kuyarekebisha makosa ya leo ili tushinde mechi  hiyo.

Mwandishi: Kocha ahsante

PHIRI: Karibu