BAADA YA SALAMBA, SIMBA WANASA MASHINE NYINGINE YA MABAO

Simba wamefanikiwa kuinasa saini ya mpachika mabao wa Tanzania Prisons Mohamed Rashid Issa jioni ya leo na kumsainisha mkataba wa miaka mitatu.

Mshambuliaji huyo aliyefunga mabao 9 katika msimu wa ligi uliomalizika anakwenda kuungana na inayotajwa kuwa safu kali ya ushambuliaji kwa msimu ujao akiungana na Emmanuel Okwi na John Bocco pamoja na nyota wengine wapya kama Marcel Boniventure na Adam Salamba.

Akizungumzia usajili huo, Kaimu Rais wa Simba Salim Abdalah amesema huu ni wakati wa kuirudisha furaha ya simba iliyokosekana kwa muda mrefu lakini akasisitiza kuwa hawapo kwenye mazungumzo na mchezaji yeyote wa Yanga.