MSUVA KIBOKO AISEE AWALIZA BOTSWANA KIBABE

Timu ya soka ya taifa ya Tanzania, Taifa Stars jioni ya leo imeibuka na ushindi wa mabao 2-0 katika mchezo wa kimataifa wa kirafiki dhidi ya Botswana uliopigwa katika uwanja wa Uhuru jijini Dar es Salaam.

Saimon Msuva anaechezea klabu ya Difar El Jadida ya Morocco amekua nyota katika mchezo huo baada ya kupachika mabao yote mawili ambayo yameipa ushindi Taifa Stars.

Bao la kwanza lilipatikana mapema kipindi cha kwanza baada Msuva na Mzamiru Yasin kuihadaa ngome ya Zebras kabla ya Msuva kupachika bao hilo lililodumu hadi mapumziko.

Msuva aliandika bao lingine katika dakika ya 63 akipokea pasi safi kutoka kwa Kichuya, akiihakikishia ushindi Taifa Stars.

Nahodha wa Tanzania, Mbwana Samatta amesema Taifa Stars wamestahili ushindi wa leo kutokana na kutumia nafasi walizozipata ingawa mchezo ulikua wa taratibu sana.