SIMBA KUMPELEKA PIUS BUSWITA MAHAKAMANI

Klabu ya Simba imetangaza kwamba itamshitaki mahakamani kiungo Pius Buswita ambaye amesajiliwa na Yanga akitokea Mbao FC ya Mwanza kisha akafungiwa kucheza soka kwa mwaka mmoja baada ya kukutwa na hatia ya kusaini kuchezea timu mbili yaani Yanga na Simba.

Simba inapanga kumburuza mahakamani kiungo huyo kwa kile ilichokiita jambo hilo kutoendeshwa kiungwana.

Hayo yamesemwa na afisa habari wa Simba, Haji Manara wakati akiongea na kituo cha redio cha EFM.

"Sisi tungekuwa tayari kumuachia kama suala la uungwana lingekuchukua nafasi. Lakini sasa watu wanalazmisha tuonekane wabaya, tutakwenda mahakamani kudai fedha zetu na sheria zaidi ichukue mkondo wake."
Alisema Manara