YAMETIMIA: MAN UNITED YATWAA KOMBE LA EUROPA NA KUKATA TIKETI YA LIGI YA MABINGWA ULAYA

Kama ilivyotarajiwa na wengi ndivyo ilivyotokea kwa Manchester United baada ya kutawazwa rasmi kuwa mabingwa wa michuano ya Europa league kwa mara ya kwanza katika historia ya klabu hiyo na michuano hiyo.


Mchezaji ghali zaidi duniani kwa sasa Paul Pogba  alitangulia kuipatia Manchester United bao la kwanza dakika ya 18 ya mchezo akipiga shuti hafifu lililomgusa beki wa Ajax na kutinga golinI bao lililodumu mpaka mapumziko.

Dakika moja tu baada ya kuanza kipindi cha pili Henrik Mkhtaryan aliifungia Manchester United bao la pili baada ya uzembe wa mabeki wa Ajax kushindwa kuokoa mpira uliopigwa langoni mwao.

Licha ya Ajax kutawala muda mrefu kwenye mechi hiyo walishindwa kabisa kupata goli huku wakishindwa pia kulikaribia lango la Manchester United

Mpaka mwisho wa Mchezo United ndiyo walioibuka wababe na kukata tiketi ya kucheza ligi ya mabingwa barani Ulaya msimu ujao