TOTO AFRICANS KUWAPA YANGA UBINGWA LEO?

Kitendawili cha nani atakua bingwa wa Soka katika ligi kuu ya Soka Tanzania bara kitateguliwa leo kwa mechi moja ya ligi hiyo baina ya Yanga ambao ni mabingwa watetezi na Toto Africans ya Mwanza.

Mchezo huo utakaochezwa katika dimba la Taifa jijini Dar es Salaam ni mchezo wa kiporo ambao wadau wa soka Nchini walikua wakiusubiri kwa hamu kubwa kwani ndio hasa utakaotoa bingwa wa Soka Tanzania bara au kutoa mwelekeo wa Ubingwa.

Yanga itaingia katika mchezo wa leo ikiwa ndiyo vinara wa ligi hiyo ikiwa na pointi  65 sawa na Simba lakini Yanga ikiwa na tofauti nzuri ya magoli ya kufunga na kufungwa Yanga ikiwa na tofauti ya magoli 43 wakati Simba wao wana tofauti ya magoli 32 tu huku Simba ikiwa imebakiza mechi moja wakati Yanga wao wana mechi mbili yani hii ya leo na ya mwisho dhidi ya Mbao FC wakati Simba wao wamebakiwa na mechi moja dhidi ya Mwadui.