SIKU YA MWISHO EPL MSIMU HUU : MACHO NA MASIKIO NI KWA ARSENAL NA LIVERPOOL KATIKA VITA YA TOP 4

Miezi takribani 10 ya mbio za kuwania ubingwa wa ligi kuu nchini England zinakamilika leo kwa timu zote 20 kucheza katika mechi za mwisho jioni hii huku mechi zote zikitarajiwa kuanza saa 11 jioni kuepusha upangaji wa matokeo.

Tofauti na misimu mingine ambayo ilikua ni kawaida kushuhudia timu zikiwania kuchukua ubingwa na nyingine zikishuka daraja msimu huu Vita kubwa iko katika kuwania nafasi ya kuwa timu 4 za juu zitakazocheza kwenye michuano ya ligi ya mabingwa barani Ulaya.

Wakati Chelsea na Tottenham wenyewe wakiwa tayari wameshajihakikisha nafasi mbili za mwanzo,Manchester City wao watahitaji sare tu kufikisha pointi 76 lakini Liverpool ambao wana pointi 73 na Arsenal wenye pointi 72 ndiyo hasa kinachoongelewa zaidi leo.

Arsenal watakua nyumbani wakicheza dhidi ya Everton wakati Liverpool wao watakua pia nyumbani kucheza dhidi ya Middlesbrough ambayo tayari imeshuka daraja.

HII HAPA RATIBA YA MECHI ZA LEO

• Arsenal vs Everton
• Man United vs Crystal Palace
• Liverpool vs Middlesbrough
• Burnley vs West Ham
• Chelsea vs Sunderland
• Hull City vs Tottenham
• Leicester City vs Bournemouth
• Southampton vs Stoke City
• Swansea vs West Brom
• Watford vs Man City

Tayari Sunderland, Hull City na Middlesbrough zimeshashuka daraja