IKIIFUNGA TOTO TU! YANGA BINGWA

Mabingwa watetezi wa Soka Tanzania bara Yanga ipo mbioni kutawazwa mabingwa wa ligi kuu msimu huu kufuatia ushindi wa mabao 2-1 dhidi Mbeya City mtanange uliopigwa katika uwanja wa Taifa jioni ya leo.

Yanga itacheza na Toto African katika uwanja huo huo keshokutwa Jumanne na endapo itashinda watatazwa kuwa mabingwa kwani watafikisha pointi 68 ambazo Simba wanaweza kuzifikia lakini mtaji mkubwa wa mabao ndiyo silaha kubwa kwao.

Mchezo huo unataeajiwa kuwa na ushindani mkubwa kwani Toto wakipoteza mchezo watakuwa wanashuka daraja rasmi hivyo timu zote kuutokea macho ili kuibuka na ushindi.

Simon Msuva na Obrey Chirwa walifunga mabao hayo kwa Yanga huku beki Haruna Shamte aliifungia City bao la kufuatia machozi.

City walicheza vizuri na kutawala sehemu kubwa ya mchezo kipindi cha kwanza kuanzia katika safu ya ulinzi na kiungo lakini washambuliaji wake Ditram Nchimbi na Zahoro Pazi walipoteza nafasi kadhaa za kufunga.

Yanga wamefikisha alama 65 sawa na Simba wakiwazidi mabao ya kufunga na kufungwa.