EVERTON YA ENGLAND KUCHEZA MECHI YA KIRAFIKI UWANJA WA TAIFA DAR MWEZI JULAI

Vigogo wa ligi kuu ya England klabu ya Everton itafanya ziara yake nchini Tanzania ikicheza mchezo mmoja wa kirafiki na mabingwa wa michuano ya SportPesa Super cup ikiwa ni maandalizi ya msimu ujao wa Ligi 


Habari zilizochapishwa na mtandao wa ECHO wa jijini Liverpool moja ya habari zake kuu ni ujio wa Everton katika ardhi ya Tanzania ikitajwa kuwa itacheza mechi dhidi ya bingwa wa michuano mipya ya SportPesa Super Cup pambano litakalopigwa tarehe 13 Julai 2017.

Sportpesa kampuni ya michezo ya kubahatisha ya nchini Kenya ndiyo wadhamini wakuu wa klabu ya Everton na hivi karibuni imeingia katika makubaliano ya mikataba na timu kongwe za Tanzania Simba na Yanga lakini pia wameweka udhamini wao kwa timu ngeni ya Singida United 

Hivi karibuni SportPesa imetangaza kuanzisha michuano mipya ya SportPesa  ambayo itashirikisha timu nne za Tanzania na nne za Kenya na Bingwa atapata zaidi ya milioni 60 za Tanzania ikitarajiwa kuanza tarehe 06 Juni 2017 mpaka tarehe 11 Juni 2017.

Kuna tetesi hivi sasa zinazomuhusisha Rooney kujiunga na Everton na kama atafanikiwa basi atakua Mmoja kati ya watakaokuja Dar es Salaam Mwezi Julai.