SARE ZAENDELEA KUITAWALA MAN UNITED, LEICESTER CITY YAENDELEA KUGAWA DOZI

Manchester United imeendelea kupata sare katika michezo yake ya ligi kuu ya England ikiambulia sare nyingine usiku huu sare ya bao 1-1 dhidi ya Everton.

Phil Jagielka alitangulia kuifungia Everton bao la kuongoza dakika ya 22 bao lililodumu mpaka mapumziko.

Kipindi cha pili kilikua kigumu zaidi kwa kikosi cha Jose Mourinho kwani licha ya kufanya mashambulizi mengi lakini walishindwa kabisa kupata bao lakini Jitihada za mashambulizi yao zilizaa bao la kusawazisha dakika za mwisho za muda wa nyongeza likifungwa  na Zlatan Ibrahimovic kwa penati baada ya Ashley Williams kuunawa mpira uliopigwa na Luke Shaw.


Ni siku 3 tu zimepita tangu United ilipopata sare nyingine hapo hapo katika uwanja wa Nyumbani ikiwa ni sare ya 9 msimu huu wakiw nyumbani.

Katika mechi nyingine Leicester City imeendelea kugawa dozi kwa kuifunga Sunderland bao 2-0 wakati Burnley ikawafunga Stoke bao 1-0 huku Watford wakiikandamiza West Brom bao 2-0.