MANCHESTER UNITED WAKABIDHIWA WASPANIOLA NUSU FAINALI EUROPA LEAGUE

Ratiba ya hatua ya nusu fainali katika michuano ya Europa League imepangwa mchana huu kwa timu nne zilizotua nafasi hii kupangwa.

Manchester United ambao jana waliifunga Anderletch ya Ubelgiji wamepangwa kukutana na  Celta Vigo ambao nao wametinga hatua hii baada ya kuwatoa Genk ya Ubelgiji ambayo Mbwana Samata anaichezea.

Mechi ya kwanza Manchester United itakua ugenini Tarehe 4 Mei 2017 huku mechi ya marudiano ikifanyika wiki moja baadae Old Trafford jijini Manchester ambapo mshindi wa jumla atatinga katika fainali.

Mechi nyingine ya hatua ya nusu fainali itakua kati ya wawakilishi wa Uholanzi Ajax ambao wametinga katika hatya hii kwa kuifunga Schalke 04 ya Ujerumani jana usiku  na watacheza dhidi ya wawakilishi wa Ufaransa Olympic Lyon  ambao wameiondosha mashindanoni Besiktas ya Uturuki kwa mikwaju ya pebaadae

Ajax wataanzia nyumbani Mei 4 na kumalizia mechi ya marudiano Mei 11 jijini Lyon na fainali ya michuano hiyo ni Mei 24 mwaka huu jijini Stockholm Sweeden.

NINI MAONI YAKO?