MAN UNITED YAJIONGEZA KWA SUNDERLAND

Manchester United imeongeza pointi 3 muhimu katika msimamo wa ligi kuu nchini England ikishinda bao 3-0 dhidi ya Sunderland.

Mchezo huo uliopigwa katika dimba la Mwangaza ulitawaliwa kwa kiwango kikubwa na Wageni Manchester United ambao walipata bao la kuongoza dakika ya 30 likifungwa kiufundi na Zlatan Ibrahimovic bao ambalo lilidumu mpaka mapumziko.

Kipindi cha pili kilipoanza tu Man United walipata bao la pili safari hii likifungwa na Henrik Mkhtaryan na dakika ya 89 Marcus Rashford akafunga bao la 3.

Katika mchezo huo mchezaji wa Sunderland Sebastian Larson alitolewa nje kwa kadi nyekundu baada ya kumfanyia madhambi Ander Herrera.

Matokeo hayo yanaipandisha United mpaka nafasi ya 5 ikiwa na pointi 57wakati Sunderland safari yao kuelekea daraja la kwanza ikizidi kuwadia.