LA LIGA : BARCELONA NA REAL MADRID ZASHINDANA KUFUNGA MABAO MENGI

Mchuano baina ya Barcelona na Real Madrid katika kuwania ubingwa wa ligi kuu ya Spain unazidi kutia fora baada ya timu hizo kujitahidi kupata mabao mengi kwenye mechi zao.

Barcelona ikiwa nyumbani iliweza kuwafunga Osasuna bao 7-1 huku Real Madrid waliosafiri ugenini waliweza kuibuka na ushindi wa bao 6-2 dhidi ya Deportivo La Coruna.

Lionel Messi, Paco Alcacer na Andre Gomes wote walifunga mabao mawili kila mmoja huku bao moja likifungwa na Javier Mascherano.

Kwa upande wa Real Madrid wao ambao waliamua kutumia wachezaji wengi wa kikosi cha pili walifanikiwa kupata mabao yao yakifungwa na Isco na James Rodrigouz waliofunga mabao mawili kila mmoja, Alvaro Morata,Casemero na Lucas Vasquez wakifunga bao moja kila mmoja.

Kwa matokeo hayo Barcelona wanaendelea kuongoza ligi wakifungana kwa pointi na Real Madrid wote wakiwa na pointi 78.

Katika mechi zingine Valencia wakiwa nyumbani walifungwa bao 3-2 na Real Sociedad wakati Leganes wakaifurumusha Las Palmas bao 3-0.

Baada ya matokeo yote hayo Osasuna inakua klabu ya kwanza Katika La Liga kushuka daraja ikiwa na pointi 18 tu mpaka sasa.