INSIDE UNITED : MAJERUHI WAONGEZEKA KIKOSINI MAN UNITED,ROONEY KUCHEZA KIUNGO?

Karibu tena leo Ijumaa katika INSIDE UNITED Ambapo tunaangalia baadhi ya mambo yanayoendelea katika klabu ya kihistoria kwenye soka la England Manchester United.

Siku moja baada ya kutoka sare na Manchester City jana usiku majeruhi wameongezeka katika kikosi cha kocha Jose Mourinho baada ya jana Timothy Fosu-Mensah naye kuumia na sasa kuonekana hali ni tete katika nafasi ya kiungo mara baada ya jana Fellaini naye kupata kadi nyekundu ambayo itamweka nje kwa michezo mitatu ya ligi.

Kocha Jose Mourinho anafikiria kumtumia Wayne Rooney katika mechi ya jumapili dhidi ya Swansea City huku kukiwa na matumaini kwamba Paul Pogba anaweza kurejea katika safari ya Alhamisi kwenda Spain kucheza dhidi ya Celta Vigo.

Habari Njema ni kwamba Juan Mata anaendelea vizuri na tayari ameshaanza mazoezi lakini haijafahamika lini watarejea mabeki wawili wa kati Phil Jones na Chriss Smalling na Mourinho ameonekana huenda akamwacha nje Eric Bailly katika kikosi cha Jumapili dhidi ya Swansea huku kinda Axel Tuanzebe pekee ndiye anayeaminiwa kucheza iwapo Bailly atawekwa benchi ili kumnusuru na majeraha.

Kwa upande wa Zlatan Ibrahimovic ameomba maongezi kuhusu mkataba mpya yasitishwe kwanza ili kuangalia majeruhi yake yatamweka nje kwa muda gani.

Mkataba wa mchezaji huyo kinara wa kupachika mabao unafikia ukingoni mwishoni mwa msimu na mapema wiki hii kupitia INSIDE UNITED niliandika mazungumzo ya mataba mpya yatafanyika leo Ijumaa.

Kuna taarifa pia zimetoka leo kuwa Kipa namba moja wa United David De Gea ameomba kuondok klabuni hapo japo taarifa rasmi haijatolewa lakini Joe Hart kipa anayeichezea Torino toka Manchester City kwa Mkopo akitajwa kuweza kuchukua nafasi ya De Gea.

Kwa leo ni hayo tu tukutane tena kesho
Its me Edo DC