EPL LEO : CHELSEA WAKO NYUMBANI KUTAKA KUIKIMBIA SPURS

Mchezo mmoja tu wa ligi kuu nchini England utapigwa leo katika dimba la Stamford Bridge nyumbani kwa vinara Chelsea.

Mchezo huo utazikutanisha Chelsea dhidi ya Southampton mchezo unaotarajiwa kuanza saa 4 kasorobo usiku kwa saa za hapa Nyumbani.

Chelsea itaingia katika mechi ya leo ikiwa na kumbukumbu mbaya ya kufungwa katika mechi iliyopita kwenye ligi dhidi ya Manchester United lakini itaingia ikichagizwa na ushindi wa mwisho wa wiki iliyopita dhidi ya Tottenham kwenye kombe la FA.

Southampton wao ambao mpaka sasa wanashika nafasi ya 9 wakiwa na pointi 40 watakua na kazi ngumu ya kuweza kuwazuia Chelsea ambao watakua nyumbani.

Ushindi kwa Chelsea leo utaipelekea kufikisha pointi 78 na kuongeza wigo wa pointi kufikia 7 kati yake na Tottenham wanaoshika nafasi ya pili.