WANANE SIMBA SC WAUNGANA NA WENZAO KAGERA TAYARI KUIVAA KAGERA SUGAR

Wachezaji saba waliokua wakiiwakilisha timu ya taifa ya Tanzania Taifa Stars na mmoja wa timu ya taifa ya Burundi tayari wamefika Mkoani Kagera kuungana na wenzao ambao walishaweka kambi mjini humo kwaajili ya pambano la ligi kuu ya Vodacom dhidi ya wenyeji wao Kagera Sugar.

Ibrahim Ajib,Shiza Kichuya,Mohamed Hussein,Muzamiru Yasin,Said Ndemla,Jonas Mkude,Abdi Banda na Laudit Mavugo ndiyo waliowasili jana mjini Bukoba kuungana na wenzao ambao tayari wako huko kwaajili ya pambano la Jumapili dhidi ya wenyeji Kagera Sugar.

Simba wanatumia viwanja vya chuo cha Mapadre Ntungamo nje kidogo ya mji wa Bukoba huku wachezaji wote wakiwa katika hali njema kabisa.

Vinara hao wa ligi kuu Tanzania bara wanaongoza wakiwa na pointi 55 huku Kagera Sugar wakiwa katika nafasi ya 5 wakiwa na pointi 42  katika nafasi ya 4.