WENGER ASEMA ATAFURAHI ÖZIL AKIACHWA TIMU YA TAIFA UJERUMANI

Kocha wa Arsenal Arsene wenger amechekelea tetesi kwamba kocha wa timu ya taifa ya Ujerumani Joachim Low anapanga kumwacha Mesut Özil pamoja na nyota wengine kadhaa katika kikosi cha taifa hilo kitakachocheza mchezo wa kuwania kufuzu michuano ya kombe la dunia dhidi ya San Marino pamoja na ule wa kirafiki dhidi ya Italia baadae mwezi huu ili kuwapa nafasi zaidi wachezaji vijana.

Özil yupo kwenye kiwango bora hivi sasa akichagizwa na bao lake la 'video' alilofunga katikati ya juma hili katika mchezo wa ligi ya mabingwa barani Ulaya dhidi ya Ludogorets.

"Tunapaswa kusubiri mpaka kocha atakapotangaza kikosi chake ili tuone kama Özil atapata mapumziko. Nadhani utakua ni uamuzi mzuri na nitaupokea kwa furaha"
Alisema Wenger katika kikao na waandishi wa habari kuelekea mchezo wa jumapili dhidi ya Tottenham.