Nyota ang'avu yazidi kiwawakia vinara wa ligi kuu ya Soka Tanzania bara Simba baada ya jioni hii kuendeleza wimbi lao la ushindi kwa kuwafunga Kagera Sugar bao 2-0.
Kagera Sugar walionekana kuwakabili vyema Simba ndani ya dakika 40 za mwanzo wakicheza mpira mzuri kabisa wakiwazuia Simba kumiliki mpira.
Dakika 2 kabla ya Mapumziko Simba walipata bao la kwanza likifungwa na kiungo wake Mzamiru Yasin akiunganisha mpira wa kona iliyopigwa na Shiza Ramadhani Kichuya na kufanya mchezo huo kwenda mapumziko Simba wakiwa mbele kwa bao hilo moja.
 |
| Mzamiru na Kichuya wakipongezana |
Kipindi cha pili mabadiliko yaliyofanywa na kocha Joseph Omog ya kuwatoa Fredric Blagnon na nafasi yake kuchukuliwa na Laudit Mavugo na Ibrahim Ajibu aliyempisha Mohamed Ibrahim yalizaa matunda baada ya Mohamed Ibrahim kusababisha penati na Shiza Kichuya kufunga dakika ya 75.
 |
| Mohamed Ibrahim akiwatoka mabeki wa Kagera |
Mpaka mwisho wa mchezo Simba 2-0 Kagera matokeo yanayoendelea kuiweka Simba kileleni mwa msimamo ikiwa na pointi 23 baada ya michezo 9.
No comments