WAYNE ROONEY NA NYOTA KADHAA MAN UNITED WAACHWA SAFARI YA UHOLANZI

Kocha mkuu wa Manchester United Jose Mourinho amemtema nahodha Wayne Rooney katika safari ya timu hiyo nchini Uholanzi.

Baada ya kufungwa bao 2-1 na Manchester City kikosi cha Man United kilionekana leo kikiwa katika mazoezi makali kabla ya kupanda ndege kuelekea Uholanzi katika mchezo wa kwanza wa hatua ya makundi katika michuano ya Europa League.

Licha ya kuwepo mazoezini Wayne Rooney,Valencia na Luke Shaw wameachwa katika orodha ya wachezaji wanaoenda Uholanzi kucheza na Feyenoord huku Memphis Depay,Mateo Darmian na Ashley Young ambao wamekosa namba katika mechi za hivi karibuni wakijumuishwa.

Katika Orodha hiyo amewaacha pia wachezaji Henrik Mikitaryan na Jesse Lingard ambao walitolewa kipindi cha pili katika mchezo dhidi ya Manchester City kwa kuonyesha kiwango hafifu.

Mpaka sasa hakuna sababu zilizotolewa kwanini nyota hao wameachwa lakini yaonekana ni maamuzi ya kocha ameamua kutowatumia katika mechi hiyo kwani Jumapili watacheza dhidi ya Watford katika ligi kuu.

KIKOSI KAMILI

Makipa
David De Gea
Sam Johnstone
Sergio Romero

Mabeki
Mateo Darmian
Eric Bailly
Daley Blind
Timothy Fosu-Mensah
Chriss Smalling

Viungo
Michael Carick
Marouane Felaini
Ander Hererra
Juan Mata
Memphis Depay
Paul Pogba
Morgan Schneiderlin
Ashley Young

Washambuliaji
Zlatan Washambuliaj
Marcus Rashford
Antony Martial