AJIBU NA MAVUGO WAIPAISHA SIMBA UWANJA WA UHURU

Wekundu wa Msimbazi Simba wametakata  na ushindi wa bao 2-1 dhidi ya Ruvu Shooting katika mchezo wa ligi kuu Tanzania bara jioni hii.

Mchezo huo uliopigwa katika uwanja wenye nyasi Bandia wa Uhuru jijini Dar es Salaam ulishuhudia Ruvu Shooting wakipata bao la mapema zaidi kabla ya Ibrahim Ajibu hajasawazisha na kupelekea mchezo huo kwenda mapumziko ukiwa ni sare ya bao 1-1.

Kipindi cha pili Simba ilirekebisha makosa ya kukosa magoli mengi ya wazi kupitia Laudit Mavugo ikajipatia bao la ushindi baada ya kazi nzuri ya Ibrahim Ajibu.

Katika mchezo huo uliotawaliwa na kadi nyingi za Njano na kadi moja Nyekundu kwa Ruvu Shooting,  Simba itabidi wajilaumu wenyewe kwa kushindwa kupata mabao mengi zaidi baada ya Mavugo kukosa nafasi kadhaa za wazi.