EURO 2016 : WALES YAJIPIGIA UBELGIJI NA KUTINGA NUSU FAINALI

Timu ya taifa ya Wales imefanikiwa kutinga nusu fainali ya michuano ya kombe la mataifa ya Ulaya Euro 2016 inayoendelea nchini Ufaransa.

Wales inayoongozwa na nyota wa Real Madrid Gareth Bale katika safu yake ya ushambuliaji iliifunga timu ambayo ilipewa nafasi kubwa ya kutwaa ubingwa Ubelgiji (Belgium) kwa bao 3-1.

Magoli ya Wales yalifungwa na nahodha Ashley Williams, Robson-Kanu na Sam Vokes wakati goli la Belgium likifungwa na Radja Nainggolan.

Kwa matokeo hayo Wales watacheza na Ureno ambao waliifunga Poland katika mechi ya robo fainali ya kwanza.