MAN UNITED YAAMBULIA KICHAPO,LIVERPOOL YAISIMAMISHA LEICESTER, CHELSEA SARE

Zawadi katika siku ya boxing zimekua chungu kwa baadhi ya mashabiki wa timu za ligi kuu nchini England hasa Manchester United baada ya kukutana na kichapo dhidi ya Stoke City.

Man United iliambulia kichapo cha bao 2-0 toka kwa Stoke ikiwa ni moja kati ya michezo kadhaa katika ligi kuu ya England leo.

Stoke City ambao wameweka kibarua cha kocha wa Man United katika mtihani mwingine walipata mabao yao mawili kupitia kwa kiungo Bojan Krikic na mshambuliaji Marko Arnautovic yote yakipatikana kipindi cha pili.

Masikio ya Wapenda Soka duniani yanasubiri kusikia nini kitazungumzwa na uongozi wa Manchester United wakati huu ambapo tetesi za kocha Jose Mourinho kujiunga na Man United zikizidi kupamba moto.

Katika mechi nyingine Liverpool wameweza kuwasimamisha vinara wa ligi hiyo Leicester city kwa kuifunga bao 1-0 katika pambano kali lililopigwa katika dimba la Anfield goli pekee la Liverpool likifungwa na Christian Benteke

Chelsea wakiwa nyumbani Stamford bridge chini ya kocha mpya Guus Hiddink walishindwa kuibuka na ushindi baada ya kulazimishwa sare na timu iliyopanda daraja ya Watford City sare ya mabao 2-2.

Katika mechi hiyo Oscar alikosa penati huku Diego Costa akifunga mabao mawili ya Chelsea. Watford wakipata mabao kupitia kwa Troy Deeney na Odion Ighalo.

Manchester City wakiwa nyumbani waliibamiza Sunderland bao 4-1 mabao ya Raheem Sterling,Yaya Toure, Wilfried Bony na Kevin De Bryune

MATOKEO YA MECHI ZA LEO

Stoke City 2-0 Man United
AFC Bournemouth 0-0 Crystal Palace
Aston Villa 1-1 West Ham
Chelsea 2-2 Watford
Liverpool 1-0 Leicester City
Man City 4-1 Sunderland
Swansea 1-0 West Brom
Totenham 3-0 Norwich