ROONEY AWAFUNGA MIDOMO WALIOMPONDEA AIFUNGIA UNITED GOLI LA USHINDI

Vita ya maneno iliyomkumba nahodha wa Manchester United Wayne Rooney kufatia ukame wa magoli imefungwa na goli lililoamua matokeo ya mechi ya ligi ya mabingwa barani Ulaya kati ya Manchester United na CSKA Moscow.

Mechi hiyo iliyopigwa katika dimba la Old Trafford lilimalizika kwa ushindi wa bao hilo moja kwa United katika mchezo wa kundi B ambao Ulikuwa ni wa marudiano baada ya kukutana mechi iliyopita ambapo timu hizo ziligawana pointi kwa kwenda sare.

Licha ya kujaribu mara nyingi kufika langoni kwa CSKA Moscow,washambuliaji wa United walishindwa kabisa kupita ukuta wa CSKA Moscow kwa takribani dakika 79

Rooney alifunga bao hilo pekee dakika ya ya 79 akiunganisha pasi murua ya Jesse Lingard ambaye aling'ara vilivyo katika pambano hilo.

Kwa matokeo hayo Man United inaongoza kundi B ikiwa na pointi 7 ikifatiwa na PSV Eindohvein yenye pointi 6 ambayo usiku wa jana imeibamiza Wolsfburg ya Ujerumani kwa bao 2-0 timu ambayo nayo licha ya kufungwa ina pointi 6