TIMU ZA MANCHESTER ZAFUTA UTEJA WA EPL LIGI YA MABINGWA ULAYA

Manchester United na Manchester City ndizo timu pekee toka katika ligi kuu nchini England zilizoibuka na ushindi katika hatua ya pili ya mechi za makundi ya ligi ya mabingwa barani Ulaya.

Wakati Arsenal na Chelsea ambazo zinatoka jiji la London zinaugulia vichapo Manchester clubs zenyewe zimewezavkuibuka na ushindi wa bao 2-1 kila moja.

Man United ikiwa nyumbani Old Trafford iliifunga Wolfsburg ya Ujerumani kwa mabao mawili ya Juan Mata aliyefunga kwa mpira wa penati na Chriss Smalling aliyemalizia pasi ya Juan Mata huku Wolfsburg wakitangulia kupata goli dakika ya nne tu ya mchezo likifungwa na Daniel Caligiuri.

Man City wao wakisafiri mpaka Ujerumani waliibuka na ushindi kama wa United bao 2-1 dhidi ya wenyeji Borussia Moenchengladbach, City wakitangulia kufungwa mapema kwa bao la Lars Stind kabla ya City kupata bao la kusawazisha kupitia kwa Andreas Christen huku Sergio Aguero akifunga bao la pili kwa mkwaju wa penati.

MATOKEO YOTE YA MECHI ZA LIGI YA MABINGWA ULAYA
● KUNDI A
  - Malmo 0-2 Real Madrid
  - Shaktar Donestk 0-3 PSG

● KUNDI B
   - CSKA Moscow 3-2 PSV Eindoven
   - Man United 2-1 Wolfsburg

● KUNDI C
    - FC Astana 2-2 Galatasaray
    - Atletico Madrid 1-2 Benfica

● KUNDI D
   - Borussia Moenchengladbach 1-2 Man City
   - Juventus 2-0 Sevilla