STARS NI USHINDI TU LEO

Taifa Stars leo kuanzia Saa 8:00 mchana itaingia Uwanja wa Kamuzu katika mchezo wa marudiano hatua ya kwanza ya mchujo kuwania kupangwa kwenye makundi ya kuwania tiketi ya Fainali za Kombe la Dunia mwaka 2018 Urusi.


Kocha Mkwasa ameahidi ushindi mnono leo na kusema kuwa katika mchezo huu wa leo watacheza tofauti na walivyocheza Dar es Salaam.

Kuna uwezekano mkubwa leo wakaanzishwa viungo watatu ili kuweka uwiano mzuri wa kulinda na kushambulia kwa timu.

Kikosi kinachoweza kuanza leo ni Goli kipa Ally Mustafa ‘Barthez’ atalindwa na Shomary Salum Kapombe kulia, Mwinyi Hajji Mngwali kushoto, Kelvin Patrick Yondan na Nadir Haroub Ally ‘Cannavaro’ katikati.
  
Viungo Himid Mao Mkami, Said Hamisi Ndemla na Mudathir Yahya Abbas, wakati washambuliaji ni Farid Malik Mussa, Mbwana Ally Samatta na Thomas Emmanuel Ulimwengu.