SHUGHULI PEVU ARSENAL VS BAYERN MUNICH LEO.

Hatua ya tatu ya mechi za Makundi za ligi ya mabingwa barani Ulaya zinaanza leo kwa mechi 8 kuchezwa katika viwanja tofauti barani humo.

Jijini London katika uwanja wa Emirates Arsenal ambao wanakamata nafasi ya pili katika msimamo wa ligi kuu nchini England watakua nyumbani Emirates kuialika Bayern Munich ambao ni mabingwa wa Ujerumani na vinara wa Bundesliga.

Arsenal watamkosa kipa Mkolombia David Ospina ambaye alianza katika mechi iliyopita dhidi ya Olympiakos na Arsenal kupoteza kwa bao 3-2 huku Ospina akijifunga na kuzua zogo miongoni mwa mashabiki wa Arsenal ambao imani yao kubwa iko kwa Petr Cech na mechi ya leo itakua ya kwanza kwa Cech kudaka katika ligi ya mabingwa akiwa na Arsenal.

Silaha kuu kwa Bayern Munich leo itakua ni Robert Lewandowski ambaye yuko katika form hivi sasa akifunga magoli 22 katika klabu yake na timu ya taifa ya Poland huku ikiringia pia uwezo mkubwa ulioonyeshwa na timu hiyo mpaka sasa ikifunga mabao 37 katika katika mechi 11 walizocheza msimu huu.

Baada ya mechi hii ya leo timu hizo zitarudiana tena wiki mbili zijazo huku Bayern Munich ikiwa na rekodi nzuri zaidi za kushindi katika uwanja wa Emirates

RATIBA YA MECHI ZOTE ZA LEO

★UEFA Champions League
9:45 PM - BATE Borisov vs Barcelona
9:45 PM - Bayer Leverkusen vs AS Roma
9:45 PM - Arsenal vs Bayern Munich
9:45 PM - Dinamo Zagreb vs Olympiakos
9:45 PM - Dynamo Kiev vs Chelsea
9:45 PM - FC Porto vs Maccabi Tel-Aviv
9:45 PM - Valencia vs KAA Gent
9:45 PM - Zenit St Petersburg vs Lyon