LIVERPOOL NA TOTTENHAM WAAMBULIA SARE ULAYA

Liverpool wameendeleza kile kinachoonekana mwanzo mbaya wa ligi baada ya kulazimishwa sare ya bao 1-1 na FC Sion katika michuano ya Europa League mechi iliyopigwa katika dimba la Anfield jijini Liverpool.

Adam Lallana alitangulia kuipatia Liverpool bao dakika ya 4 tu ya mchezo lakini goli hilo halikudumu kwa dakika nyingi kwani dakika ya 18 Ebenezer Assifuah aliweza kuisawazishia FC Sion na kufanya mchezo huo kudumu na matokeo hayo

Hiyo ni sare ya pili mfululizo kwa Liverpool katika michuano hiyo wakiwa na pointi mbili na kushika nafasi ya 3 katika msimamo wa kundi B linaloongozwa na Sion wenye pointi 4.

Huko Ufaransa katika jiji la Monaco wenyeji Monaco walilazimishwa sare na Tottenham Hotspurs katika mchezo wa kundi J.

Erick Lamela alitangulia kuifungia Spurs kabla ya Stephen El Shaarawy hajasawazisha na kuwafanya Spurs kuambulia pointi moja tu ambayo inawaweka katika uongozi wa kundi hilo.