YALE YALE : TAIFA STARS YAPIGWA 3-0 NA MISRI

Mwendelezo wa matokeo mabaya umezidi kuiandama timu yetu ya Taifa ya Tanzania Taifa Stars baada ya kulambishwa bao 3-0 na wenyeji Misri katika pambano la G la kutafuta nafasi ya kucheza katika fainali za kombe la Mataifa ya Afrika.

Katika mchezo huo uliopigwa jijini Alexandria Misri walipata mabao yao kupitia kwa Rabia, Morsi na mchezaji wa Chelsea Mohamed Salah.

Licha ya mazoezi ya wiki nzima huko Ethiopia lakini Stars walishindwa kabisa kuwakabili Misri hasa kipindi cha pili ambacho magoli ndiyo yalipoingia baada ya kutoka sare ya bila magoli mpaka mapumziko.

Kwa matokeo hayo Tanzania inashika nafasi ya mwisho katika kundi G linaloongozwa na Misri ambao wanafatiwa na Nigeria walioifunga Chad bao 2-0 jana.

::Na Edo DC