MKWASA NA MOROCCO WAKABIDHIWA TAIFA STARS

Shirikisho la mpira wa miguu Tanzania TFF limewateuwa makocha wawili wazalendo ambao wote ni Raia wa Tanzani mmoja anatoka bara  Charles Boniface Mkwasa na mwingne kisiwani Hemed Morocco kuinoa Timu ya taifa ya Tanzania baada ya kutimuliwa Kocha Mart Nooij.

Kocha mkuu wa Team hiyo Charles boniface mkwasa amepewa baraka zote za kuiongoza team hiyo na anasubiriwa kutangaza benchi lake la ufundi hivi karibuni hii ikija siku moja baada ya kuenea uvumi ukimuhusisha Mkwasa kuchukua nafasi hiyo baada ya kutimuliwa kocha Nooij.

Mtihani wa kwanza kwa makocha hawa ni katika mechi ya marudiano dhidi ya Uganda wiki mbili zijazo ambapo Stars itatakiwa kushinda si chini ya bao 4-0 ili kuvuka hatua hii katika michuano ya kombe la mataifa ya Afrika kwa wachezaji wa ndani ambayo kilele chake kitakua mwakani nchini Rwanda.

Kwa sasa Makocha hao watakaimu kwa muda nafasi hizo mpaka hapo atakapopatikana mwalimu wa kudumu lakini kama watafanya vizuri kuna kila dalili wakaachiwa timu mazima ila kocha Mkwasa ataendelea kuifundisha klabu yake ya Yanga kama kocha msaidizi.