KARIBU FUNDI FIRMINO, KARIBU UFURAHIE UBINGWA

Njia ya kipofu ni mti wake.. Akiweza kuushika vizuri basi haina haja ya kumshika mkono. Mwaka jana siku tatu baada ya fainali za kombe la dunia kocha wa Manchester United Louis Van Gaal alikaa na vyombo vya habari vya Uingereza na kusema kwa sasa hatokua 'busy' kushughulika na usajili na badala yake atawachunguza wachezaji kwanza kisha atawapa nafasi kuonesha uwezo wao, kama kutatokea ulazima wa kusajili atatsajili ila kama watafanya vizuri basi kulikua hakuna haja au ulazima wa kusajili.

Timu ilianza maandalizi ya msimu na baada ya kurudi kujiandaa kwa Ligi tukaona rungu au panga karibu wachezaji 8 kutemwa. Rungu liliendelea mpaka sasa kufika idadi ya wachezaji 13 ndani ya msimu wake wa kwanza. Hii yote ilitokana na falsafa za kocha ikiwemo kupata wachezaji sahihi watakaoendana na mfumo atakaokuwa akiutumia. Tumeona Van Gaal akitumia mifumo tofauti tangu alipoingia United lakini mfumo wake wa kwanza alioupendelea ulikua ni 3-5-2. Nyuma mabeki watatu kisha kunakuwa na wachezaji watano ambao wawili kati yao wanacheza winga ya kupanda na kushuka.

Mfumo huu ulikua ukiwafanya United kutawala sana mpira bila kutengeneza nafasi za kufunga.. Fowadi mbili za mbele zilikua zikilazimiswa kujitanua pindi wanaposhambuliwa ili "wing back" zirudi nyuma kusaidia mabeki watatu. Wakipata mpira na kuanza kushambulia wanajikuta wanaanza kujipanga upya kitu kinachsababisha viungo kuanza kukaa na mpira na kuanza kupasiana kusiko na mwelekeo. Haukua mfumo mbaya na pia haukua mfumo mzuri kwetu pindi tunapofungwa mapema.

Ilikua ni jukumu la Kocha na benchi lake la ufundi kutuletea plan B ya mfumo lakini pia shukrani ziwaendee mashabiki kwa makelele yao ya "Atttack Attack" yalisaidia kuubadilisha ubongo wa Louis Van Gaal ktk fikra zake na kubadili muelekeo wa Jahazi lake. Ndipo alipokuja na mfumo wa 4-1-4-1 au 4-1-3-1-1 na 4-4-2 kivuli ikiwemo na 4-3-3 kulingana na mchezo unvyokwenda.

 Kama unakumbuka kuna mechi kabla ya mapumziko wakiwa kwenye benchi LVG aligeuka nyuma kisha kumwambia Fellain maneno ya kwenda kupigana na vita kwa ajili ya kuikomboa jezi aliyoivaa. Ndio kipindi hicho alichomwambia Fellain sasa ni wakati wako wa kuonesha kile kitu kilichokufanya nikamuuza Shinji Kagawa na kukubakisha wewe.

Robin Van Persie aliumia.. Na ikawa njia pekee ya kusimamisha foward mmoja mbele huku Fellain akisimama kama daraja la mto Ruvu kuwaunganisha wakazi wa Chalinze na wakazi wa Kibaha. Sehemu hii ambalo napenda kuita kiini cha shimo ndio sehemu ambayo klabu nyingi zinapenda kutumia.. Central Attacking mildfielder kifupi (No.10). Hii ndio sehemu ambayo Fellain alikua akicheza Everton na Belgium. Sehemu hii Moyes alishindwa kuitumia hasa baada ya uwepo wa Shinji Kagawa na baadae Juan Mata kitu kilichompelekea akashindwa kumtumia vizuri Maroune Fellain japo walitoka wote sehemu moja.

Kwa mfumo wa 4-1-4-1 au 4-1-3-1-1 mara nyingi Fellain alikua akicheza nyuma ya Wayne Rooney kisha A.Young, Mata, Herrera, Blind/Carrick wakijidai sehemu ya kati. Fellain anaposimama nyuma ya Rooney anakua kama attacking mildfielder anayewaunganisha wakazi wa mbele ambaye ni Rooney pamoja na wakazi wa nyuma yake amabao ni viungo wa kati. Kwetu kwa bahati mbaya  alikua si mtu wa kasi au mwenye manjonjo kama ya Zinadine Zidane ila Fellain alikua ball controler mwenye uwezo wa kutumia mwili wake vizuri kuunganisha mbele na nyuma.

SWALI: KWA NINI FELLAIN?? 

Shinji Kagawa, Juan Mata, Wayne Rooney, Adnan Januzaj, Andrea Perreira, pamoja na Fellain wote kwa pamoja waliweza kucheza kama central attacking mildfielder. But why Fellain?? 

Ukijaribu kupitia mwanzo hasa kauli ya Louis Van Gaal alisema anataka kuwapa nafasi wachezaji kwanza kuonsha vipaji vyao ndio maana sikushangaa kuuzwa kwa Shinji Kagawa na kubadilishwa namba kwa Juan Mata kama namba 7 kivuli. Kuumia kwa Robin ilibidi Rooney aende mbele kisha Fellain asimame nyuma yake. Sehemu hii ilikua muhimu na mtu pekee aliyehimudu basi alikua ni Fellain. Januzaj alimuweka kama winga na Perreira bado ana miaka 18 hivyo hajakomaa vzr kusimama kama mchezaji tegemeo.

KAULI; 

Attacking mildfielder mbona tunao wengi?? Kauli hizi mashabiki tunapenda sana kuzitumia hasa tunapojaribu kukipanga kikosi chetu. Lakini ukweli kwa sasa timu yetu ina attacking mildfielder mmoja tu ambaye ni Fellain. Ander Herrera yeye ni central mildfielder mwenye uwezo wa kuaattack wakati Blind na Carrick wao ni holding mildfielder. Alibaki Juan Mata pekee ambaye kwa mfumo mpya wa LVG amebaki kuwekwa kama namba 7 kivuli yenye uwezo wa kusaidia zaidi kiungo kuliko kwenda wide wing. Kivuli cha Mata ndio kinachomsaidia Valencia kupanda kushambulia huku Mata akitoka 7 na kuingia kati.

Nilitaka kuanza kuzungumzia hali halisi ya kikosi chetu, mfumo wa kisasa unaotumiwa na klabu nyingi kwa sasa pamoja na usajili mpya kwa msimu ujao ili tupate kujua kiundani zaidi nini tunahitaji kuliko kukaa na kuanza kusikitika au kunung"unika kwa nini fulani hao tunao wengi. 

Barcelona, Real Madrid, Bayern Munich, Chelsea, Man City pamoja na Arsenal.. Klabu zote hizi kubwa kwa mfumo wanaotumia mbele wanasimamisha foward mmoja. Barca atasimama Suarez peke yake, Madrid atasimama Benzema peke yake, kisha Lewandowisk, Diego Costa, Aguero pamoja na Giroud ni mafoward pekee ktk klabu zao wanaosimama peke yao mbele kwa neno lingine "alone striker". Hawa siku zote ulindwa na attacking mildfielder kama Lionel Messi kwa barca, James Rodrigez kwa Madrid, Muller kwa Bayern, Oscar kwa Chelsea, Silva kwa City pamoja na Santi Carzola au Mesut Ozil kwa upande wa Arsenal.

JE UMEWAHI KUJIULIZA MFUMO MPYA WA VAN GAAL?? 

Wengi tunaweza kushindwa lakini kwa kuangalia falsafa zake alizokuja nazo hasa baada ya kuikacha ule mfumo wa 3-5-2 na kuja na huu wa 4-1-4-1 utagundua mfumo wake mpya ni wa kusimamisha foward mmoja mbele ambaye bila shaka ni captain Wayne Rooney. Kwa mfumo huu ndipo tunapohitaji attacking mildfielder mwenye uwezo wa hali ya juu kama wenzetu.

Lengo la haya yote ni kutaka kumzungumzia kipaji kutoka taifa la Brazil ambaye anatokea ktk klabu ya Hoffeinheim iliyopo Bundesliga Ujerumani, Roberto Firmino. Huyu ndie mrithi sahihi na mchezaji tunayemuhitaji kwa sasa. Ni attacking mildfielder mwenye uwezo wa hali ya juu ya kukaa na mipira, kupiga chenga, kutoa pasi za uhakika za mabao na kubwa kuliko yote ana uwezo pia wa kufunga. Brazili kwa miaka mingi imekosa namba 9 mzuri wa kufunga but kwa ujio wa Neymar pembeni na Oscar nyuma yao mara nyingi Dunga anapenda kumtumia Firmino kama namba 9 kivuli hasa kutokana na uwezo wake wa kuunganisha daraja la mto Ruvu kati ya wakazi wa chalinze na kibaha..

Habari zilizopo kwa sasa ni kuwa Wakala wake ambaye ndio amesimamia maisha yake ya soka jana amewathibitishia vyombo vya habari kuwa Roberto Firmino ataondoka Hoffeinheim na kwenda kucheza soka lake Uingereza. Kitu pekee alichoficha ni klabu atakayokwenda japo ukweli inasemekana anakwenda kujiunga na klabu ya Manchester United kutokana na taarifa nyingi na vyanzo vingi kuelezea hivyo. Kwani hakuna klabu ya uingereza ilionesha nia kwa kufika dau lake zaidi ya Manchester United.

Uwepo wa Firmino utakua kama mbadala wa Fellain hasa ukizingatia tuna wigo mpana wa mashindano mengi kwa msimu ujao. Pia Fellain kwa sasa ni majeruhi jambo liliompelekea ata kukosa kwa mechi za kufuzu zinazoendelea kwa sasa ktk timu yake ya taifa. Roberto Firmino kwa sasa ndie mchezaji mwenye kipaji anayekuja kwa kasi nchini Brazil pamoja na klabu yake ya Hoffenheim iliyopo Ujerumani. Ana umri wa miaka 23 na kwa sasa yupo nchini Chile akiwa na timu yake ya taifa ya Brazil akiiwakilisha michuano ya Copa America. Ni aina ya wachezaji kama Kevin de Brune au Kaka wa Ac Milan pamoja na aina ya wachezaji niliyowataja hapo juu wenye uwezo wa kuwaunganisha viungo na washambuliaji.. Attacking mildfielder wanaocheza karibu na kiini cha shimo.

Namaliza kwa kusema mashabiki wa Manchester tusiwe na mchecheto wa kusema namba hiyo tunao wengi, muhimu tuangalie vizuri kwa mapana kikosi chetu. Tusiwe na haraka ya kusema kiungo mkabaji au beki kwani Van Gaal anajua mengi kuliko sisi. Kama una kumbukumbu ligi ilivyoisha alisema mwenyewe kwamba Our first priority ni difensive mildfielder ambaye atasaidiana na Michael Carrick lakini cha ajabu unaweza kushangaa amemsajili Memphis Depay na sasa Roberto Firmino. Hivyo suala la kiungo mkabaji atamsajili tusiwe na wasi muhimu nilichopenda ni kuwawahi hawa wachezaji wa kuziba mashimo na kufanya msimu ujao tuwe shots on target nyingi zitakazotufanya kuwafunga wapinzani. Louis Van Gaal kipofu aliyepata fimbo yake nzuri kwa sasa ameijua njia tumuache ajiongoze mwenyewe. 

Welcome fundi Roberto Firmino

Na David Peter Herera