JURGEN KLOPP AITOLEA NJE LIVERPOOL

Matumaini ya Liverpool kumchukua Aliyekua kocha mkuu wa Borussia Dortmund Jurgen Klopp yamefifia baada ya kocha huyo kutanabaisha kuwa hahitaji kuifundisha klabu yoyote hivi sasa na kujipa mapumziko kwa muda usiojulikana.

Klopp mwenye miaka 47 amejiuzulu nafasi yake ya kuifundisha Dortmund msimu uliomalizika wa 2014/2015 baada ya kudumu na timu hiyo kwa miaka saba akishinda taji la Bundeslia mara mbili na kufika fainali ya ligi ya mabingwa barani Ulaya.

" Baada ya miaka 7 ya kuhangaikia mafanikio, nadhani sasa ni vizuri sasa kupumzisha akili kabla ya kufikiria kufanya kazi nyingine"  Alisema Klopp.

Klopp amehusishwa mno kujiunga na Liverpool baada ya Brendan Rodgers kuwekwa katika kitimoto baada ya kushindwa kuirudisha Liverpool katika michuano ya Ligi ya Mabingwa na kati ya watu waliotajwa sana kumrithi ni Jurgen Klopp na hii inaweza ikampa nafasi sasa Rodgers japo kuendelea kubaki kwa Muda pale Liverpool