BREAKING NEWS!! SEP BLATTER AJIUZULU FIFA

Rais wa FIFA Sepp Blatter amejiuzulu nafasi hiyo ikiwa ni chini ya wiki moja tangu alipochaguliwa kwa mara ya tano kuiongoza FIFA katika uchaguzi uliofanyika Ijumaa wiki iliyopita huko katika makao makuu ya FIFA Zurich Uswis.

Akitangaza hatua hiyo Blatter mwenye miaka 79 ameiomba bodyi ya FIFA Kufanya uchaguzi wa Rais mpya mapema iwezekanavyo huku sababu kubwa za kujiuzulu kwake ni kutokana na sakata la Rushwa lililoikumbuka FIFA huku watu 14 kutoka katika shirikisho hilo wakiwekwa kitimoto.

" Nahusika na kila kitu katika FIFA iwe kwa uzuri au kwa ubaya ndiyo maana nachukua uamuzi wa kuachia ngazi" Alisema Blatter ambaye uteuzi wake umezua minong'ono hasa kwa bara la Ulaya na Amerika kutokana na kung'ania madaraka.