AMKA NA HABARI HIZI KATIKA SOKA

■ Wachezaji Lukas Podoski wa Arsenal ambaye alienda kwa mkopo Inter Milan na Emmanuel Eboue wa Galatasaray wanaazimisha siku zao za kuzaliwa leo. Podolski alizaliwa tarehe 04/06/1985 Ujerumani na Eboue yeye kazaliwa tarehe 04/06/1983 Ivory Coast

■ Waziri wa michezo wa Afrika Kusini Fikile Mbalula amesema nchi hiyo haihusiki na tuhuma za kutoa Mlungula (Rushwa) kwa Shirikisho la soka duniani FIFA ili kupata nafasi ya kuandaa fainali za kombe la Dunia mwaka 2010 kufatia madai mbali mbali yanayoitafuna Shirikisho la soka la dunia hivi sasa kuhusu Rushwa.

■ Klabu ya Jomo Cosmos ya Afrika Kusini imefanikiwa kupanda daraja baada ya kushinda mechi yake ya play off dhidi ya Moroka Swallows katika ligi kuu ya Afrika Kusini (PSL)

■ Tottenham Hottspurs, Real Madrid na AC Milan wataungana na Wenyewe Bayern Munich ambao ni mabingwa wa Bundesliga katika kombe maarufu la AUDI ambalo huandaliwa mahususi kwaajili ya kujiandaa na msimu mpya wa ligi barani Ulaya na mwaka huu mechi hizi zitachezwa tarehe 4 na 5 mwezi Agosti.

■ Brendan Rodgers amehakikishiwa kuwa ataendelea kuifundisha Liverpool kwa msimu ujao baada ya jana kuwa na mazungumzo marefu na wamiliki wa timu hiyo inayotumia uwanja wa Anfield na hivyo kocha huyo ataongozana na timu katika mechi za kujiandaa na msimu mpya huko Bankok wakicheza mechi ya kwanza dhidi ya Thai All Stars Julai 14.

::::: IMEANDALIWA NA EDO DANIEL CHIBO KWA MSAADA WA VYOMBO MBALI MBALI VYA HABARI.