STARS YAANZA KWA KICHAPO SAUZI

Timu ya Taifa ya Tanzania maarufu kama TaifaStars wameanza mchakato wa kuwania kombe la COSAFA baada ya kukubali kichapo cha bao 1-0 toka kwa Swaziland.

Mchezo huo wa Kundi B la michuano hiyo ulitawaliwa kwa kiasi kikubwa na Taifa Stars ila wakashindwa kutumia nafasi nyingi walizopata washambuliaji weke wakiongozwa na nahodha wa John Bocco, Mrisho Ngassa na simon Msuva .

Dakika mbili kabla ya mapumziko Swaziland walipata bao lao kupitia kwa beki wake Sifiso Mabila akifanya kazi kubwa ya kupanda na kunganisha mpira na kuwaacha mabeki na kipa Stars wasijue nini la kufanya

Stars itaingia dimbani tena Jumatano hii kumenyana na Lesotho katika mechi nyingine ya kundi B ya michuano hiyo iliyoanzaa Jumapili.