MRISHO NGASSA ONDOA MAPENZI ANGALIA MBELE

Moja kati ya vipaji vya hali ya juu nilivyopata kuvishuhudia hapa nchini basi bila kupepesa macho kijana wa Mwanza Mrisho Ngassa hawezi kosekana katika orodha yangu. Ameonyesha uwezo kwa misimu mingi mfululizo akiwa na jezi ya Yanga, azam , Simba na hatimaye Yanga tena.
       
 Ni mengi makubwa ya kumkumbuka kijana huyu lakini naomba leo nijikite katika kuangalia maisha yake yajayo ndani ya yanga. Miezi michache iliyopita kijana huyu machachari alionekana kuporomoka kiwango na kupelekea walimu wake Marcio Maximo na mholanzi Hans Van Pluijim kumwanzishia benchi katika baadhi ya michezo. Lakini mechi za hivi karibuni amerudi katika ubora wake na kuwashawishi mabosi wa jangwani kufikiria kumpa mkataba mpya wa kuendelea kuitumikia yanga.

Mrisho bado ana nafasi ya kuendelea kuwika miaka kadhaa ijayo lakini kwa mtazamo wangu aangalie uwezekano wa kuwa nje ya Yanga ikiwezekana avuke mipaka na kwenda nje ya Tanzania itamfanya awe huru zaidi ya presha iliyopo hapa nchini.

       Kwa jinsi kikosi cha Yanga kinavyoendelea ninaamini Mrisho Ngasa hatapata nafasi kubwa ya kutumika na kuendeleza ufundi thabiti wa miguu yake hasa msimu ujao endapo kikosi cha Yanga kitaendelea kuwa moto kama msimu huu.
Angalia kwa sasa kiwango cha Mliberia Pah Sherman ameanza kufit kwenye mfumo wa mwalimu na amekuwa akitumika hasa nyuma ya Tambwe nafasi ambayo Mrisho alikuwa akiicheza kabla.

           Taifa LA Tanzania bado linahitaji matunda ya Ngasa amejituma sana kwa kipindi kirefu akiwa na jezi ya timu ya taifa na klabu kwa ujumla

     Asanteni by Vedasto Mfilinge