ASTON VILLA YAITUPA NJE LIVERPOOL KATIKA KOMBE LA FA: KUKUTANA NA ARSENAL FAINALI

Aston Villa imekata tiketi ya kucheza fainali ya kombe la FA baada ya kuibamiza Liverpool bao 2-1 katika pambano la nusu fainali ya kombe hilo katika uwanja wa Wembley.

Liverpool walitangulia kufunga bao lao kupitia kwa Philipe Coutinho kabla ya Christian Benteke hajasawazisha akiunganisha pasi murua ya nahodha Phabian Delph na kufanya mpira kwenda mapumziko ikiwa bao 1-1.

Kipindi cha pili Aston Villa walizidisha mashambulizi na kufanikiwa kupata bao la pili kupitia kwa Nahodha Phabian Delph akitumia makosa ya mabeki wa Liverpool na kufanya mchezo huo kumalizika kwa Aston Villa kushinda bao 2-1.

Aston Villa sasa watakutana na Arsenal katika fainali Arsenal ambao jana nao waliibuka na ushindi wa bao 2-1 wakiifunga Reading fainali itapigwa mapema mwezi ujao katika dimba la Wembley.

+++++++++++++++++