LIGI KUU TANZANIA BARA - MEXIME AMFUNDISHA MWALIMU WAKE MAXIMO SOMO LA LIGI KUU

 Jumla ya magoli 14 yamefungwa katika mechi 6 za ligi kuu Tanzania Bara ambayo imeanza leo Tanzania Yanga ikiwa ugenini imeanza vibaya ligi kuu Tanzania bara baada ya kukubali kichapo cha bao 2-0 toka kwa Mtibwa Sugar ya Turiani Morogoro mchezo uliopigwa katika dimba la Jamhuri.
Ilikua ni kama somo ambalo mwanafunzi Mexime ambaye ni Kocha wa Mtibwa na nahodha wa zamani wa timu ya Taifa ya Tanzania alikua anampa mwalimu wake
Marcio Maximo ambaye ni kocha wa Yanga na kocha wa zamani wa timu ya taifa ya Tanzania.

Mussa Hassan Mgosi alianza kufungua ukurasa wa mabao kwa kupachika bao safi dakika ya 15 ya mchezo kufatia uzembe wa beki wa Yanga Cannavaro na Kipa Dida.
Goli la Pili la Mtibwa lilipatikana kipindi cha pili mfungaji akiwa ni Ame Ali baada ya kuwahadaa.mabeki wa Yanga na kufunga kiulaini.



Mwandishi wetu Allen Kaijage ambaye alijikita katika Viwanja vya Azam Complex anaripoti kuwa mabingwa watetezi Azam FC ilianza vyema Ligi kuu kwa kuwafunga Polisi Morogoro bao 3-1 baada ya kuongoza 2-0 mpaka mapumziko.

Magoli ya Azam yalifungwa na Mrundi Didier Kavumbagu aliyefunga magoli mawili na Aggrey Morice alifunga moja huku goli la kufutia machozi la Polisi likifungwa na  Nahodha Bakari.

MATOKEO KWA UFUPI
Azam FC 3-1 Polisi Morogoro
Mtibwa Sugar 2-0 Yanga SC
Stendi United 1-4 Ndanda FC
Mgambo JKT 1-0 Kagera Sugar
Mbeya City 0-0 JKT Ruvu
Ruvu Shooting 0-2 Tanzania Prisons

.....Ligi hiyo itaendelea kesho kwa Simba kucheza na Coastal Union ya Tanga katika uwanja wa Taifa.