LINGARD NA MATA WAIPAISHA MAN UNITED, WEST HAM YAKATA PUMZI KWA EVERTON

Baada ya kutoa pasi ya goli katikati ya wiki wakati timu yake ikiifunga CSKA Moscow mshambuliaji chipukizi wa Manchester United Jesse Lingard leo ameendeleza makali yake kwa kufunga bao safi katika ushindi wa bao 2-0 walioupata Man United dhidi ya West Brom.

Pambano hilo la ligi kuu nchini England lilipigwa katika dimba la Old Trafford jijini Manchester ambapo United walihitaji pointi tatu muhimu leo ili kupunguza wigo wa pointi na wanaoongoza.

Kipindi cha kwanza licha ya Kumiliki mpira vilivyo Man United ilishindwa kabisa kupata bao baada ya ngome ya West Brom kuonekana imara ikiongozwa na mchezaji wa zamani wa United John Evans.

Kipindi cha pili kilizaa magoli hayo mawili kupitia kwa Lingard na Juan Mata ambaye alifunga kwa njia ya penati baada ya Antony Martial kuangushwa katika eneo la penati akiwa katika harakati za kufunga.

KATIKA MECHI NYINGINE West Ham wakiwa nyumbani walilazimishwa sare na Everton ya bao 1-1

MATOKEO YA MECHI ZOTE ZA LEO EPL

Manchester United 2-0 West Brom
Sunderland 0-1 Southampton
Leicester City 2-1 Watford
Norwich 1-0 Swansea
AFC Bournermouth 0-1 Newcastle United