LIGI YA MABINGWA ULAYA ARSENAL YAPIGWA NYUMBANI BAYERN YAUA

Ikicheza katika uwanja wake wa Nyumbani kwa mara ya kwanza katika ligi ya mabingwa Ulaya msimu huu Arsenal imeambulia kichapo cha bao 3-2 toka kwa Olympiakos ya Ugiriki.

Mchezo huo wa kundi F ni wa pili kwa timu hizo ambazo zilianza vibaya mechi zao za awali Arsenal walipofungwa ugenini na Dianamo Zagreb na Olympiakos ilipoteza dhidi ya Bayern Munich

Magoli ya Filipe Pardo, Finnbogason na lile la kujifunga la kipa David Ospina yalitosha kuwaliza Arsenal katika mchezo huo ulioshuhudiwa na watazamaji 59,428.

Katika mchezo mwingine wa kundi F Bayern Munich iliiadhibu Dianamo Zagreb kwa bao 5-0, matokeo ambayo yanaifanya Bayern Munich kushika uongozi wa Kundi F ikiwa na pointi 6 huku Arsenal wakishika mkia wakiwa hawana pointi yoyote.